ЗҲӘА АБ «КИБИТ-БАНК» акадртә политика шьаҭас иазышьҭоуп аколлектив усзуҩыцыԥхьаӡа ипрофессионализми еиуеиԥшым ҩаӡарала анапхгаҩцәа иҳараку анапхгаратә дырра ҿыцқәеи роура.

Абанк акадртә маҵзура аперсонал алхраан абарҭ акритериақәа напхгара рызнауеит:

• аҵараиура аҩаӡара, аусуратә ҭыԥ иақәшәо, акандидат дақәшәарц ахьиҭаху;
• уаанӡатәи апрофессионалтә лшамҭақәа;
• иҳараку акультуратә ҩаӡара, ахатәы хшыҩзцара еиламырцҳакәа аҳәашьа ақәшәара;
• ҳаамҭа ишақәшәо акомпиутер аус адулара адыршьа;
• аколлегацәеи аклиентцәеи ҳаҭырқәҵаралеи еилкааралеи рызнеира;
• апрофессионалтә еизҳареи ахалаҿиареи ргәазыҳәара.

Ихарҭәаау аҵараиура, аквалификациа аизырҳаразы акурсқәа, атәым бызшәак, ма инареиҳаны адырра еиҳа ибзиоуп ҳәа иазхьаԥшхоит.